सोयाबीनच्या दरात वाढ ; कमाल भाव पोहचला 7700 रुपयांवर ; पहा बाजारभाव

हॅलो कृषी ऑनलाईन : शेतकरी मित्रांनो हंगामाच्या शेवटी देखील सोयाबीनचे भाव तेजीत असल्याचा पाहायला मिळत आहेत . सोयाबीनला चांगला भाव सध्या मिळतो आहे. सध्याचे शिवारातील चित्र पाहता उन्हाळी सोयाबीनची काही भागात काढणी सुरू आहे तर काही भागात अद्यापही सोयाबीन शिवारात आहे. मात्र सोयाबीनची उगवण चांगल्या पद्धतीने झाली आहेत. आज संध्याकाळी पाच वाजेपर्यंत प्राप्त झालेल्या बाजारभावानुसार बाजार भाव पाहिले असता आज सर्वाधिक जालना कृषी उत्पन्न बाजार समितीमध्ये सोयाबीनला सात हजार 700 रुपयांचा कमाल भाव मिळाला आहे. यापूर्वी कमाल भाव ते सात हजार 500 रुपयांपर्यंत होते मात्र आता भाव 200 रुपयांनी वाढून सात हजार 700 रुपयांपर्यंत पोहोचले आहेत.

आज जालना कृषी उत्पन्न बाजार समितीमध्ये पिवळ्या सोयाबीनची 756 क्विंटल इतकी आवक झाली. याकरिता किमान भाव 6000 कमाल भाव 7700 आणि सर्वसाधारण भाव 7250 इतका राहिला. त्याखालोखाल गंगाखेड कृषी उत्पन्न बाजार समितीमध्ये कमाल भाव 7500 रुपये इतका मिळाला आहे. तर सोयाबीनचे सर्वसाधारण भाव पाहिले असता हे भाव 7300 रुपयांपर्यंत आहेत. सोयाबीनच्या दराला मिळणारा चांगला भाव पाहून इथून पुढे देखील सोयाबीनचा पेरा अधिक होण्याची शक्यता वर्तवली जात आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 22-4-22 सोयाबीन बाजारभाव