हॅलो कृषी ऑनलाईन : सध्याच्या घडीला खरीप हंगाम काही दिवसांवर (Agriculture Business) येऊन ठेपला असून, शेतकऱ्यांची मशागतिच्या कामांसाठी लगबग सुरु आहे. त्यामुळे आता तुम्ही देखील शेतीसोबतच एखादा व्यवसाय करण्याचा विचार करत असाल तर ही बातमी तुमच्यासाठी आहे. सध्याच्या परिस्थितीत सेंद्रिय शेती हा विषय फार मोठ्या प्रमाणात जोर धरू लागला आहे. कारण विषमुक्त अन्न पदार्थाचे उत्पादन हे आरोग्याच्या दृष्टिकोनातून खूप महत्वाचे मानले जाऊ लागले आहे. ज्यामुळे शेतीमध्ये सेंद्रिय शेतीसाठी गांडूळ खताचा वापर हा खूप महत्त्वाचा मानला जाऊ लागला आहे. याच पार्श्वभूमीवर शेतकरी गांडूळ खत निर्मितीचा व्यवसाय (Agriculture Business) केला तर येणाऱ्या भविष्य काळात त्यांना आर्थिकदृष्ट्या सक्षम होण्यास मदत होणार आहे.
गांडूळ खत निर्मितीची पद्धत (Agriculture Business Gandhul Khat)
- तुम्हाला ज्या ठिकाणी गांडुळांचे संगोपन (Agriculture Business) करायचे आहे. त्यासाठी जागेची निवड खूप महत्त्वाचे असते. यासाठी तुम्हाला ज्या ठिकाणी अंधार असेल आणि तापमान हे किंचित उबदार असेल अशी जागा निवडणे गरजेचे आहे. जर आपण गांडुळांचा विचार केला तर जास्त तापमानात देखील तग धरतात. ते 40 ते 80 डिग्री सेल्सिअस तापमानाला देखील तोंड देऊ शकतात.
- गांडूळांचे संगोपन करताना ते ओलसर आणि मऊ ठिकाणी राहतील, अशी व्यवस्था करावी. गांडूळ संगोपनामध्ये सगळ्यात महत्त्वाचे म्हणजे ज्या ठिकाणी गांडुळांचे संगोपन करत आहेत. अशा ठिकाणी सूर्याची किरणे थेट पडणार नाहीत याची काळजी घेणे खूप गरजेचे आहे.
- जास्त ओलसरपणा किंवा पाणी नसणे गरजेचे आहे. पाण्याचा निचरा नीट झाला नाही तर गांडूळ मरतात. त्यामुळे डब्यात किंवा तयार करत असलेल्या कंटेनरमध्ये योग्य प्रकारे छिद्रे पाडावीत.
- गांडूळ खत तयार झाल्यावर त्यांच्यासाठी बेडसारखी जागा आवश्यक असते. यासाठी फाटलेली वर्तमानपत्रे, पुठ्ठा, पाने आणि इतर कचरा वस्तू चांगल्या आहेत. तसेच गांडुळांना अन्न प्रक्रिया करण्यासाठी काही टाकाऊ पदार्थांची आवश्यकता असते. अशा प्रकारचा कचरा व्यवस्थित मातीत मिसळली गरजेचे आहे.
- परंतु यामध्ये सगळ्यात महत्त्वाची गोष्ट म्हणजे तुम्ही जो काही वेस्टेज कचरा वापरत आहात. तो सेंद्रिय असणे गरजेचे आहे. तसेच गांडुळाच्या संगोपनासोबतच दुग्धजन्य कचरा, तेलकट पदार्थ, अंड्याची टरफले, फळे आणि भाजीपाल्यांच्या सालसारखे पदार्थ टाकाव्यात.
गांडूळ शेतीतून उत्पन्न
हा एक चांगला फायदेशीर व्यवसाय असून, जर तुम्ही चार हजार स्क्वेअर फूट क्षेत्रामध्ये गांडूळांचे संगोपन केले. तर त्यामध्ये तुम्हाला पंधरा हजार गांडूळे वाढू शकतात. या माध्यमातून तुम्हाला दरमहा चार ते पाच लाख रुपयांचे उत्पन्न मिळू शकते. जर तुम्ही 300 गांडूळ घेतले त्यांची किंमत बाजारात साधारणतः 2278 रुपये आहे.
