कापूस दराची एक्सप्रेस सुसाट… ! दर 10,605 वर , पहा आजचा कापूस बाजारभाव

हॅलो कृषी ऑनलाईन : सध्या कापूस उत्पदक शेतकऱ्यांचे आनंदाचे दिवस आहेत असेच म्हणायला हवे. जी गोष्ट सोयाबीन बाबत होईल अशी शेतकऱ्यांना अपेक्षा होती ते कापसाच्या बाबतीत झाले आहे. कापसाला यंदा दहा हजारहून अधिक भाव मिळाला आहे. कापसाच्या उत्पादनातील घट त्यामुळे होणारी कमी आवक हेच यामागचे महत्वाचे कारण आहे. कापसाला भाव जास्त मिळत असला तरी नैसर्गिक आपत्तीचा सामना करत मोठ्या कष्टाने शेतकऱ्याने पीक जोपासले आहे. मात्र पाहिजे तसे कापसाचे उत्पादन यंदा निघाले नाही. आता नजर टाकूया आजच्या कापूस बाजारभावावर…

७ हुन अधिक बाजार समित्यांमध्ये १० हजार भाव…

आज संध्याकाळी साडेपाच वाजेपर्यंत प्राप्त झालेल्या बाजारभावानुसार कापसाला सर्वाधिक भाव हा 10605 इतका मिळाला आहे. हा भाव हिंगणघाट येथे मिळाला आहे. आज हिंगणघाट येथील बाजारात मध्यम स्टेपल कापसाची 7500क्विंटल इतकी आवक झाली आहे. हीच आजची सर्वाधिक आवक आहे. याकरिता कमीत कमी दर आठ हजार पाचशे रुपये जास्तीत जास्त दर 10605 आणि सर्वसाधारण दर 9380 इतका राहिला. तर त्याखालोखाल सिंधी सेलू इथं दहा हजार 350 रुपये प्रति क्विंटल इतका भाव लांब स्टेपल कापसाला मिळाला आहे. आज संध्याकाळी साडेपाच वाजेपर्यंत प्राप्त बाजारभावानुसार तब्बल सात बाजार समित्यांमध्ये दहा हजार आणि त्याहून अधिक भाव प्रतिक्विंटल कापसाला मिळाला आहे. कापसाचे सर्वसाधारण भाव देखील दहा हजार पर्यंत पोहोचले असून कापसामध्ये हीच तेजी कायम राहणार असल्याची माहिती तज्ञांनी दिली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 20-1-22 कापूस बाजारभाव