आजही सोयाबीनचा कमाल दर NOT OUT 8000 रुपयांवर ; पहा आजचे राज्यातील बाजारभाव

हॅलो कृषी ऑनलाईन : शेतकरी मित्रांनो महाशिवरात्रीच्या सुट्टीनंतर आता आज सोयाबीन बाजारात काय स्थिती आहे याची उत्सुकता शेतकऱ्यांना लागली आहे. दरम्यान फेब्रुवारी महिन्याच्या शेवटच्या दिवशी सोयाबीनचे दर वाढून कमाल भाव ८ हजार रुपयांवर गेले होते. आजही सोयाबीनला राज्यातील विविध बाजार समित्यांमध्ये चांगले भाव मिळालेले दिसून येत आहे. रशिया आणि युक्रेन यांच्यामध्ये सुरु असलेल्या युद्धाचा परिणाम कच्च्या तेलावर होतो आहे. रशिया आणि युक्रेन देशातून मोठ्या प्रमाणात सूर्यफूल तेलाची आयात होते. मात्र युद्धामुळे त्यावर परिणाम होण्याची शक्यता आहे. त्यामुळे देशांतर्गत बाजारपेठेत सोयाबीनच्या मागणीत वाढ होत आहे.

आज सायंकाळी सहा वाजेपर्यंत प्राप्त झालेल्या राज्यातील सोयाबीन बाजार भावानुसार आज सर्वाधिक भाव अकोला कृषी उत्पन्न बाजार समिती येथे मिळाला असून हा भाव 8000 प्रति क्विंटल इतका आहे. आज अकोला कृषी उत्पन्न बाजार समितीत पिवळ्या सोयाबीनची 2240 क्विंटल इतकी आवक झाली. याकरिता किमान भाव 5600, कमाल भाव 8 हजार आणि सर्वसाधारण भाव सात हजार रुपये इतका मिळाला आहे. त्याखालोखाल मेहकर कृषी उत्पन्न बाजार समिती 7750, नागपुर 7500, सोलापूर 7300, राहता सात हजार चारशे सोळा, गंगाखेड 7700, नांदगाव 7500, लासलगाव निफाड 7600 असे कमाल भाव सोयाबीनचा आज मिळाले आहेत तर सोयाबीनचे सर्वसाधारण भाव हे सहा हजार पासून7500 रुपयांपर्यंत आहेत.

शिवाय सध्या सोयाबीनला चांगला दर मिळत असून शेतकऱ्यांनी विक्रीबाबत निर्णय घ्यावा अशी माहिती व्यापाऱ्यांनी दिली आहे. याशिवाय दर आणखी वाढण्याची शक्यता आहे पण ते किती काळ टिकतील हे सांगता येत नसल्याचे त्यांनी सांगितले आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 2-3-22 सोयाबीन बाजारभाव