सोयाबीनच्या कमाल दरात वाढ , आज मिळाला कमाल 7600 रुपयांचा भाव ; पहा बाजारभाव

हॅलो कृषी ऑनलाईन :सध्या हरभरा आणि सोयाबीन या दोन धान्यांची बाजार समित्यांमध्ये मोठी आवक होताना दिसत आहे. लातूर सह राज्यातल्या काही बाजार समित्या सलग पाच दिवसांकरिता होळी आणि इतर सणानिमित्त बंद होत्या मात्र आता आज या बाजार समित्या उघडल्या आहेत आणि आज या बाजार समित्यांमध्ये सोयाबीनचा दर पाहता हा दर स्थिर असल्याचे दिसून येत आहे.

आज (२३-३-२२) सायंकाळी सहा वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज लासलगाव विंचूर कृषी उत्पन्न बाजार समितीमध्ये सोयाबीनला सर्वाधिक7600 रुपयांचा कमाल भाव मिळाला आहे. या बाजार समितीमध्ये 228 क्विंटल सोयाबीनची आवक झाली याकरिता किमान भाव 5452, कमाल भाव सात हजार सहाशे आणि सर्वसाधारण भाव सात हजार 252 इतका मिळाला आहे. लातूर आणि गंगाखेड कृषी उत्पन्न बाजार समितीमध्ये सोयाबीनला सात हजार 400 रुपयांचा दर प्रति क्विंटल सोयाबीन साठी मिळाला आहे. तर आज मेहकर कृषी उत्पन्न बाजार समितीमध्ये सात हजार 500 रुपयांचा भाव सोयाबीन ला मिळाला आहे. आज मेहकर कृषी उत्पन्न बाजार समितीमध्ये एक नंबर सोयाबीनची 90 क्विंटल इतकी आवक झाली. याकरिता किमान भाव 7000 कमाल भाव 7500 आणि सर्वसाधारण भाव सात हजार तीनशे रुपये इतका मिळाला आहे. तर पाच दिवसांच्या सुट्टीनंतर आज खुल्या झालेल्या लातूर कृषी उत्पन्न बाजार समिती मधील सोयाबीन ला किमान भाव 6500 कमाल भाव 7400 आणि सर्वसाधारण भाव सात हजार 200 रुपये इतका मिळाला आहे. आज सर्वाधिक आवक ही लातूर कृषी उत्पन्न बाजार समिती मध्ये झालेली दिसून येत आहे. ही आवक 11हजार 171 क्विंटल इतकी आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

काय आहेत आजचे सोयाबीन बाजारभाव ?