सोयाबीनच्या दरात आज घसरण कमाल दर 7700 वरून थेट 7250 वर ; पहा बाजारभाव

हॅलो कृषी ऑनलाईन : केवळ एका आठवड्यात सोयाबीनच्या दरात भाव वाढ झाली. मात्र आता आज बाजार भावात घसरण दिसून येत आहे. आजचे बाजार भाव पाहता. सोयाबीनला सर्वाधिक 7250 इतका कमाल भाव मिळाला आहे. मागील दोन दिवस कमाल भाव सात हजार सातशे रुपयांपर्यंत होता. तर बऱ्याच ठिकाणी 7400 पर्यंत भाव गेले होते. मात्र आता त्यामध्ये घसरण झाल्याचे दिसून येत आहे.

आज सायंकाळी साडेपाच वाजेपर्यंत प्राप्त झालेल्या बाजारभावानुसार, आज सर्वाधिक अकोला आणि नागपूर कृषी उत्पन्न बाजार समितीत सोयाबीनला कमाल भाव 7250 इतका मिळाला आहे. अकोला कृषी उत्पन्न बाजार समितीमध्ये आज 3122 क्विंटल पिवळ्या सोयाबीनची आवक झाली. याकरिता किमान भाव 5500 रुपये, कमाल भाव सात हजार दोनशे पन्नास रुपये, तर सर्वसाधारण भाव सहा हजार पाचशे रुपये इतका मिळाला आहे. शिवाय नागपूर कृषी उत्पन्न बाजार समितीमध्ये आज 505 क्विंटल सोयाबीनची आवक झाली. याकरिता किमान भाव 5820, कमाल भाव 7250 आणि सर्वसाधारण भाव सहा हजार 890 रुपये इतका मिळाला आहे. दरम्यान शुक्रवारी मेहकर कृषी उत्पन्न बाजार समितीत कमाल भाव 7770 रुपये मिळाला होता, तर नांदगाव आणि हिंगोली कृषी उत्पन्न बाजार समिती येथे देखील 7400 पर्यंत भाव होते मात्र आज हे भाव उतरल्याचे दिसून येत आहे. आज सोयाबीनचे सर्वसाधारण दर हे केवळ सहा हजार ते सात हजार शंभर रुपयांपर्यंत दिसून आले आहेत.

सोयाबीनच्या दरात एवढ्या कमी वेळेत एवढे मोठे बदल होण्याची ही पहिलीच वेळ आहे. अशा परस्थितीमध्ये शेतकऱ्यांनी टप्प्याटप्प्याने विक्री करणे गरजेचे आहे. फायदा आणि नुकसान कमी प्रमाणात झाले तरी चालेल पण टप्प्याटप्प्याने विक्री हेच महत्वाचे असल्याचे व्यापाऱ्यांनी सांगितले आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे सोयाबीन 26-2-22 बाजारभाव