सोयाबीनचे दर चढेच…! आज मिळाला कमाल 7770 रुपयांचा भाव ; पहा बाजारभाव

हॅलो कृषी ऑनलाईन : शेतकरी मित्रांनो सोयाबीन उत्पादक शेतकऱ्यांसाठी चांगली बातमी आहे. सोयाबीनला चांगला दर मिळावा म्हणून अनेक शेतकऱ्यांनी अद्यापपर्यंत सोयाबीनची साठवणूक केली होती. मागच्या दोन आठवड्यांपासून सोयाबीनच्या दरांमध्ये वाढ होताना दिसत आहे. ही वाढ झपाट्याने होत आहे. सहा हजारांवर असणारा दर आता सात हजार सातशे रुपयांपर्यंत येऊन ठेपला आहे. त्यातही तज्ञांनी सोयाबीनच्या दरात आणखी वाढ होण्याची शक्यता व्यक्त केली आहे. तसेच लवकरच उन्हाळी सोयाबीन देखील बाजारामध्ये दाखल होईल. त्यामुळे सोयाबीन उत्पादक शेतकऱ्यांच्या मध्ये सध्या समाधानाचं वातावरण पाहायला मिळत आहे. सोयाबीनच्या दरात मागील वर्षी प्रमाणे आणखी वाढ होण्याची शेतकऱ्यांना अपेक्षा आहे.

दरम्यान आज सायंकाळी सहा वाजेपर्यंत प्राप्त झालेल्या बाजारभावानुसार मेहकर कृषी उत्पन्न बाजार समितीमध्ये सोयाबीनला सर्वाधिक 7770 रुपयांचा कमाल भाव मिळाला आहे. आज मेहकर कृषी उत्पन्न बाजार समिती मध्ये एक हजार 70 क्विंटल लोकल सोयाबीनची आवक झाली. याकरिता किमान भाव 6500 कमाल भाव 7770 तर सर्वसाधारण भाव सात हजार 200 रुपये इतका मिळाला आहे.आज सर्वाधिक आवक लातूर कृषी उत्पन्न बाजार समिती येथे झाली असून लातूर कृषी उत्पन्न बाजार समितीमध्ये दहा हजार नऊशे 30 क्विंटल सोयाबीनचे आवक झाली आहे. तर कमाल भाव सात हजार 361 रुपये इतका मिळाला आहे दरम्यान सोयाबीनचा सर्वसाधारण भाव सहा हजार रुपये ते सात हजार दोनशे वीस रुपयांपर्यंत आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 25-2-22 सोयाबीन बाजारभाव