सोयाबीनचे दर स्थिर ; पहा आज किती मिळाला कमाल भाव

हॅलो कृषी ऑनलाईन : शेतकरी मित्रांनो सध्याचे सोयाबीनचे सर्वसाधारण दर पाहता हे दर सात हजार रुपयांवर स्थिर आहेत. काही बाजार समित्यांमध्ये सोयाबीनला कमाल भाव हा सात हजार शंभर आणि त्याहून जास्त आहे तर अगदी बोटावर मोजण्याइतपत बाजार समित्यांमध्ये सोयाबीनला सात हजार 400 ते 600 रुपयांपर्यंत कमाल भाव मिळतो आहे.

आज(१६) सायंकाळी साडेपाच वाजेपर्यंत प्राप्त झालेल्या राज्यातील बाजार समित्यांमधील बाजारभावानुसार आज सर्वाधिक दर हा मेहकर कृषी उत्पन्न बाजार समितीमध्ये मिळाला असून हा दर सात हजार 600 रुपये प्रति क्विंटल साठी मिळाला आहे. आज मेहकर कृषी उत्पन्न बाजार समितीमध्ये 120 क्विंटल सोयाबीनची आवक झाली याकरिता किमान भाव सहा हजार आठशे रुपये, कमाल भाव 7600 आणि सर्वसाधारण भाव सात हजार दोनशे रुपये मिळाला आहे. त्याखालोखाल गंगाखेड कृषी उत्पन्न बाजार समितीमध्ये सात हजार 400 रुपयांचा कमाल भाव मिळाला आहे. त्याखालोखाल जालना कृषी उत्पन्न बाजार समितीमध्ये सात हजार तीनशे रुपये, सिल्लोड कृषी उत्पन्न बाजार समितीमध्ये कमाल सात हजार दोनशे वीस रुपये इतका भाव मिळाला आहे तर सोयाबीनचे सर्वसाधारण भाव हे सहा हजार रुपये ते सात हजार रुपयांच्या दरम्यान आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे १६-३-२२ सोयाबीन बाजारभाव