‘या’ बाजार समितीत सोयाबीनला मिळाला कमाल 7361 रुपयांचा भाव ; पहा आजचे सोयाबीन बाजारभाव

हॅलो कृषी ऑनलाईन : सध्याचे सोयाबीन बाजारभाव बघता सोयाबीनच्या दरामध्ये वाढ झालेली दिसून येत आहे. सोयाबीनच्या कमाल दराने सात हजारांचा आकडा पार केला आहे. त्यामुळे सोयाबीन उत्पादक शेतकऱ्यांमध्ये समाधानाचे वातावरण पाहायला मिळत आहे. यातच यंदा उन्हाळी सोयाबीनचा देखील विक्रमी पेरा झाला आहे. काही दिवसातच उन्हाळी सोयाबीन देखील बाजारात हजेरी लावेल.

दरम्यान आज सायंकाळी साडेपाच वाजेपर्यंत प्राप्त झालेल्या बाजारभावानुसार चाकूर कृषी उत्पन्न बाजार समिती इथं सोयाबीनला सर्वाधिक सात हजार 361 रुपयांचा भाव मिळाला आहे. चाकूर कृषी उत्पन्न बाजार समिती इथं 100 क्विंटल पिवळ्या सोयाबीनची आवक झाली. याकरिता किमान 6201, कमाल सात हजार 361 आणि सर्वसाधारण सहा हजार 439 रुपयांचा भाव प्रतिक्विंटल साठी मिळाला आहे. त्या खालोखाल जालना कृषी उत्पन्न बाजार समितीमध्ये कमाल 6904 भाव मिळाला आहे. तर सर्वाधिक आवक ही लातूर कृषी उत्पन्न बाजार समिती येथे झाली आहे. ही अवक 12072 क्विंटल इतकी आहे. दरम्यान दिनांक 15 फेब्रुवारी रोजी म्हणजेच मंगळवारी दर्यापूर कृषी उत्पन्न बाजार समिती मधले सोयाबीनचा कमाल सात हजार पाचशे पन्नास रुपयांचा भाव मिळाला होता. तर सोमवारी 14 फेब्रुवारी रोजी दर्यापूर कृषी उत्पन्न बाजार समिती इथंच सात हजार 850 रुपयांचा कमाल भाव सोयाबीन साठी मिळाला होता.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचा 16-2-22 सोयाबीन बाजारभाव