सोयाबीनला मिळाला 7850 रुपयांचा कमाल दर ; पहा आजचे सोयाबीन बाजारभाव

हॅलो कृषी ऑनलाईन : शेतकरी मित्रांनो सोयाबीनच्या कमाल दरात धीम्या गतीने का होईना वाढ होत आहे. त्यामुळे सोयाबीन उत्पादक शेतकऱ्यांच्यामध्ये समाधानाचे वातावरण आहे. मात्र राज्यातील बहुतांशी शेतकऱ्यांनी साठवणुकीचा सोयाबीन विकला आहे . मात्र काही शेतकऱ्यांना अद्यापही दरवाढीची आशा कायम आहे. सध्या हंगामातील सर्वाधिक दर सोयाबीनला आहे. त्यामुळे शेतकऱ्यांनी साठवणूक केलेल्या सोयाबीनची विक्री करण्याची हीच योग्य वेळ असल्याचे व्यापारी सांगत आहेत. यंदा काही गतवर्षीप्रमाणे स्थिती नाही. सोयाबीन हे पावसामुळे डागाळलेले आहे शिवाय त्या तुलनेत मागणी नाही. त्यामुळे शेतकऱ्यांनी आता योग्य वेळी योग्य निर्णय घेतला तरच उत्पन्नात वाढ होणार आहे.सोमवारी नव्या आठवड्याच्या पहील्या दिवशी सोयाबीनच्या दरात चांगली वाढ झालेली दिसून आली. सोमवारी मेहकर कृषी उत्पन्न बाजार समितीत 7800 तर दर्यापूर कृषी उत्पन्न बाजार समितीत 7850 रुपये कमाल भाव मिळाला.

आज सायंकाळी साडेपाच वाजेपर्यंत प्राप्त झालेल्या सोयाबीन कृषी उत्पन्न बाजार समिती नुसार आज परळी वैजनाथ इथं सर्वाधिक 6801 रुपयांचा भाव मिळालेला आहे. परळी वैजनाथ येथे आज चौदाशे पन्नास क्विंटल सोयाबीनची आवक झाली आणि त्याकरिता कमीत कमी दर पाच हजार 900 रुपये जास्तीत जास्त दर 6801 रुपये तर सर्वसाधारण दर सहा हजार 475 रुपये. तर आज सोयाबीनचा सर्वसाधारण दर हा पाच हजार दोनशे पन्नास ते सहा हजार पाचशे 15 पर्यंत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 15-2-22 सोयाबीन बाजारभाव