मागील महिन्यापेक्षा या महिन्यात सोयाबीनला चांगला भाव ; पहा आज किती मिळाला दर

हॅलो कृषी ऑनलाईन : शेतकरी मित्रांनो मागील महिन्याच्या तुलनेत या महिन्यात सोयाबीनला चांगला दर मिळाला आहे. चढ -उतारा नंतर आता सोयाबीनचे भाव स्थिरावले आहेत. हे भाव सात हजार 300 रुपयांवर स्थिरावलेले दिसून येत आहे. शिवाय गेल्या महिन्याच्या तुलनेत बाजारात सोयाबीनची आवकही चांगली होत असल्याचे दिसून येत आहे. आगामी काळात सोयाबीनच्या दरात वाढ होण्याची अपेक्षा शेतकऱ्यांना आहे.

आज सायंकाळी सहा वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज सोयाबीन ला सर्वाधिक सात हजार 600 रुपये कमाल भाव प्रतिक्विंटल साठी मिळाला आहे. हा भाव गंगाखेड कृषी उत्पन्न बाजार समिती येथे मिळाला आहे आज गंगाखेड कृषी उत्पन्न बाजार समिती इथं पिवळ्या सोयाबीनची 45 क्विंटल इतकी आवक झाली याकरिता किमान भाव 7300, कमाल भाव 7600 आणि सर्वसाधारण भाव सात हजार तीनशे रुपये मिळाला आहे. त्याखालोखाल हिंगोली कृषी उत्पन्न बाजार समितीमध्ये सोयाबीनला सात हजार 450 रुपये कमाल भाव मिळालाय. चिखली कृषी उत्पन्न बाजार समितीमध्ये सात हजार 360 रुपये, अकोला कृषी उत्पन्न बाजार समितीमध्ये आज सोयाबीनला 7200 रुपये कमाल भाव मिळाला आहे. दगड लातूर कृषी उत्पन्न बाजार समितीमध्ये सोयाबीन ची आज वीस हजार पोत्यांची आवक झाली आहे. तर सोयाबीनला कमाल दर सात हजार तीनशे रुपये मिळतो आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 14-3-22 सोयाबीन बाजारभाव