आज सोयाबीनला मिळाला कमाल 7565 रुपये दर ; केवळ एका क्लिक वर पहा राज्यातील बाजार समित्यांमधील बाजारभाव

हॅलो कृषी ऑनलाईन : शेतकरी मित्रांनो आज २४-३-२२ सायंकाळी सात वाजून 30 मिनिटांनी पर्यंत प्राप्त झालेल्या राज्यातील विविध बाजार समित्यांमधील मिळालेल्या बाजारभावानुसार आज देवणी कृषी उत्पन्न बाजार समिती इथं सोयाबीनला सर्वाधिक सात हजार 565 रुपये कमाल भाव मिळाला आहे. देवणी कृषी उत्पन्न बाजार समितीमध्ये आज पिवळ्या सोयाबीनची 80 क्विंटल इतकी आवक झाली. याकरिता किमान भाव सहा हजार शंभर रुपये, कमाल भाव 7565 रुपये तर सर्वसाधारण भाव सहा हजार 832 रुपये इतका मिळाला. त्या खालोखाल पाथरी कृषी उत्पन्न बाजार समितीमध्ये कमाल 7300 रुपये, अकोला कृषी उत्पन्न बाजार समिती कमाल सात हजार 355, जालना कृषी उत्पन्न बाजार समिती सात हजार चारशे आणि लातूर कृषी उत्पन्न बाजार समितीमध्ये 7405 रुपये कमाल भाव सोयाबीन ला मिळाला आहे. आजच्या आवकेच्या बाबतीत बोलायचं झाल्यास आज लातूर कृषी उत्पन्न बाजार समितीमध्ये सर्वाधिक आवक झालेली दिसून येत आहे. आज लातूर कृषी उत्पन्न बाजार समितीमध्ये सोयाबीनची 12,275 क्विंटल इतकी आवक झाली. याकरिता किमान भाव 7000, कमाल भाव 7405 आणि सर्वसाधारण भाव 7290 इतका मिळाला आहे. सोयाबीनचे सर्वसाधारण भाव हे सहा हजार आठशे रुपये ते सात हजार दोनशे रुपयांपर्यंत आहेत.

सोयाबीनला मिळणारा चांगला भाव बघता यंदाच्या वर्षी उन्हाळी सोयाबीनची मोठ्या प्रमाणात लागवड झाली आहे. शिवाय मुख्य पीक असलेल्या ज्वारी ऐवजी शेतकऱ्यांनी सोयाबीन या पिकाला पसंती दिली आहे. लवकरच बाजारांमध्ये उन्हाळी सोयाबीनची देखील आवक होईल पण मुख्यतः शेतकरी उन्हाळी सोयाबीन लागवड ही खरिपातील पिकांच्या बियाण्यांसाठी करतात.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 24-3-22 सोयाबीन बाजारभाव