हॅलो कृषी ऑनलाईन : शेती आणि शेतकरी यांचे गणित कोलमडल्याची (Sweet Corn Farming) सर्वत्र चर्चा होत आहे. इगतपुरी तालुक्यातील शेनि गावच्या पदवीधर तरुण शेतकऱ्याने मात्र एका अभिनव प्रयोगाद्वारे यशाची नवी शिखरे गाठली आहेत. गोकुळ जाधव यांनी 15 एकरावर स्वीट कॉर्न (गोड मका)ची लागवड यशस्वी करून दाखवली आहे. ज्यामुळे सध्या त्यांच्या या मकाची तालुक्याभरात चांगलीच चर्चा (Sweet Corn Farming) रंगली आहे.
पहिल्यांदाच लागवड, भरघोस उत्पादन (Sweet Corn Farming)
कृषी पदवीधर असलेले गोकुळ जाधव हे नेहमीच शेतीमध्ये काहीतरी नवीन करण्याचा (Sweet Corn Farming) प्रयत्न करत असतात. मागील वर्षी त्यांनी 10 एकरात टोकन पद्धतीने सोयाबीन पिकाची यशस्वी लागवड करून विक्रमी उत्पादन घेतले होते. यावर्षी त्यांनी स्वीट कॉर्नची लागवड करण्याचा निर्णय घेतला आणि यातही त्यांना यश मिळाले आहे. विशेष म्हणजे पहिल्यांदाच लागवड केल्यानंतर त्यांना भरघोस उत्पादन देखील मिळाले आहे.
एकरी दोन किलो बियाणे
गोकुळ यांनी सांगितले की, स्वीट कॉर्न हे पावसाळ्यात जास्त पिकणारे पीक आहे आणि याला बाजारात चांगली मागणी आहे. त्यांनी दोन बाय एक या अंतरावर स्वीट कॉर्नची लागवड केली. ज्यासाठी त्यांना एकरी दोन किलो बियाणे वापरले. या पिकाची काळजी घेण्यासाठी त्यांनी कुटुंबातील सदस्यांची मदत घेतली. आता तीन महिन्यानंतर, त्यांना स्वीट कॉर्नची कणीस तोडणीला आली असून, चालू आठवड्यातच त्याची काढणी होणार आहे. गोकुळ यांना या कणीसला युरोपमधूनही मागणी आहे आणि त्यामुळे त्यांना चांगला भाव मिळण्याची देखील अपेक्षा असल्याचे ते सांगतात.
शेतकऱ्यांसाठी प्रेरणादायी
गोकुळ यांच्या या यशस्वी प्रयोगामुळे इतर शेतकऱ्यांनाही प्रेरणा मिळाली आहे. अनेक शेतकरी गोकुळ यांच्याकडे येऊन स्वीट कॉर्नची लागवड कशी करावी याबद्दल माहिती घेत आहेत. गोकुळ यांच्यासारख्या तरुण शेतकरी शेतीमध्ये नवीन तंत्रज्ञान आणि प्रयोगांचा वापर करून यशस्वी होत आहेत हे आसपासच्या शेतकऱ्यांसाठी नक्कीच प्रेरणादायी आहे. त्यांच्या यशामुळे इतर शेतकऱ्यांनाही प्रेरणा मिळेल आणि महाराष्ट्रातील शेती अधिकाधिक प्रगती करेल यात शंका नाही.
