कांद्याचे बाजारभाव पुन्हा तीन हजारांच्या टप्प्यात ; पहा आजचे कांदा बाजारभाव

हॅलो कृषी ऑनलाईन : शेतकरी मित्रांनो आजचे कांदा बाजारभाव बघता त्यामध्ये सुधारणा झाल्याचे दिसून येत आहे. मागील आठवड्यात कांद्याचे दर हे तीन हजारांच्या आत गेले होते. मात्र आजचे बाजारभाव पाहता पुन्हा एकदा राज्यातील विविध बाजार समित्यांमध्ये कांद्याला कमाल दर तीन हजार आणि त्याहून अधिक मिळाले आहेत.

आज सायंकाळी पाच वाजेपर्यंत प्राप्त झालेल्या बाजार भावानुसार जुन्नर आळेफाटा कृषी उत्पन्न बाजार समितीमध्ये सर्वाधिक 3 हजार 500 रुपये कांद्याला भाव मिळाला आहे. जुन्नर आळेफाटा इथं आज दहा हजार 793 क्विंटल कांद्याची आवक झाली याकरिता कमीत कमी दर पंधराशे रुपये, जास्तीत जास्त दर तीन हजार 500 रुपये आणि सर्वसाधारण दर 2500 रुपये इतका मिळाला आहे. त्या खालोखाल सोलापूर कृषी उत्पन्न बाजार समिती इथं कांद्याची सर्वाधिक 40 हजार 187 क्विंटल आवक झाली आहे. याकरिता कमीत कमी दर शंभर जास्तीत जास्त दर 3200 आणि सर्वसाधारण दर 1800 रुपये मिळाला आहे. शिवाय मुंबई कांदा बटाटा मार्केट येथे देखील 3200 रुपये कमाल दर मिळाला आहे. तर कोल्हापूर कृषी उत्पन्न बाजार समिती येथे कमाल तीन हजार रुपये दर मिळाला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 8-2-22कांदा बाजारभाव