सोयाबीनला मिळतोय कमाल 8000 हजार रुपयांचा भाव ; काय कराल विक्री की साठवणूक ?

हॅलो कृषी ऑनलाईन : शेतकरी मित्रांनो या आठवड्यापासून सोयाबीनच्या दरात चांगली वाढ झालेली दिसून येत आहे. दिनांक २८ चे बाजार भाव बघता दरात चांगली वाढ दिसून येत आहे. त्यामुळे शेतकऱ्यांमध्ये समाधानाचे वातावरण पहायला मिळत आहे. प्राप्त झालेल्या कृषी उत्पन्न बाजार समित्यांमधील बाजारभावानुसार सर्वाधिक भाव लासलगाव निफाड इथं पांढऱ्या सोयाबीनला ८००० रुपयांचा कमाल भाव मिळालेला आहे. लासलगाव निफाड कृषी उत्पन्न बाजार समितीमध्ये पांढऱ्या सोयाबीनची 487 क्विंटल इतकी आवक झाली. याकरिता किमान भाव 6901, कमाल भाव आठ हजार तर सर्वसाधारण भाव सात हजार 660 रुपये इतका मिळाला आहे. याबरोबरच कृषी उत्पन्न बाजार समितीमध्ये देखील आज कमाल भाव ८०००रुपये मिळाला आहे.

त्याखालोखाल मेहकर कृषी उत्पन्न बाजार समिती येथे कमाल 7730 रुपये प्रति क्विंटल साठी मिळाला आहे. आज मेहकर कृषी उत्पन्न बाजार समितीमध्ये लोकल सोयाबीनचे बाराशे 60 क्विंटल इतकी आवक झाली. याकरिता सहा हजार शंभर किमान भाव ,कमाल भाव 7730 तर सर्वसाधारण भाग सात हजार एकशे दहा रुपये इतका मिळाला आहे. याशिवाय आज सर्वाधिक आवक ही लातूर कृषी उत्पन्न बाजार समिती येथे झाली असून पंधरा हजार आठशे एक क्विंटल इतकी आवक लातूर कृषी उत्पन्न बाजार समिती येथे झाली आहे. लातुरात सोयाबीनला किमान भाव सहा हजार 100, कमाल भाव सात हजार 330 आणि सर्वसाधारण भाव सात हजार दोनशे वीस रुपये इतका मिळाला. याशिवाय चिखली कृषी उत्पन्न बाजार समिती सात हजार चारशे रुपये, लासलगाव कृषी उत्पन्न बाजार समिती 7511 लासलगाव विंचूर कृषी उत्पन्न बाजार समिती सात हजार 552 शहादा 7400, कोपरगाव 7440 असे कमाल भाव मिळाले आहेत.

विक्री की साठवणूक ?

सोयाबीनच्या दरावर युध्दजन्य परस्थितीचा परिणाम हा होत आहे. कारण रशिया आणि युक्रेनसह अर्जेंटिना येथून सुर्यफूलसह इतर तेलाची भारतामध्ये आयात केली जाते. हा आयात आता ठप्प आहे. त्यामुळे प्रक्रिया उद्योजकांना आता सोयाबीन शिवाय पर्यायच उरलेला नाही. त्यामुळे सोयाबीनच्या मागणीत वाढ होत आहे. हंगामाच्या अंतिम टप्प्यात आणि शेतकऱ्यांकडे सोयाबीन शिल्लक असताना या गोष्टी घडून आल्याने शेतकऱ्यांना याचा फायदा होणार आहे.य़ुध्दजन्य परस्थितीचा अणखी किती परिणाम होणार यामुळे साठवणूक करावी का विक्री हा प्रश्न कायम आहे. पण हा दर चांगला असून अधिकचे नुकसान न होऊ देता या दरात शेतकऱ्यांनी विक्रीलाच प्राधान्य देण्याचा सल्ला व्यापारी देत आहेत.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

सोयाबीन बाजारभाव