सोलापुरात कांद्याला मिळाला कमाल 3900 रुपयांचा दर, पहा आजचे कांदा बाजारभाव

हॅलो कृषी ऑनलाईन : शेतकरी मित्रांनो नगदी पीक म्हणून शेतकरी कांदा पिकाचे उत्पादन घेतात. हल्लीचा विचार करता कांदा क्षेत्रामध्ये वाढ झाल्याचे दिसून येत आहे. देशामध्ये अकरा लाख हेक्टरपेक्षा अधिक क्षेत्रावर कांद्याची लागवड झाली आहे. यामधून 220 लाख टन उत्पादन अपेक्षित धरलं जात आहे.

दरम्यान मागील आठवड्यापासून कांद्याच्या दरात सुधारणा होताना दिसत आहेत. आज संध्याकाळी सहा वाजेपर्यंत प्राप्त झालेल्या बाजारभावानुसार आज कांद्याला सर्वाधिक 3 हजार 900 रुपये प्रति क्विंटल असा दर मिळाला आहे. हा दर सोलापूर कृषी उत्पन्न बाजार समिती इथं मिळाला असून आज सोलापूर कृषी उत्पन्न बाजार समितीत 45016 क्विंटल लाल कांद्याची आवक झाली. याकरिता किमान शंभर, कमाल 3900 रुपये आणि सर्वसाधारण दर दोन हजार रुपये इतका मिळाला आहे. तर सोलापूर कृषी उत्पन्न बाजार समिती इथेच कांद्याची सर्वाधिक आवक झालेली दिसून येत आहे. त्याखालोखाल लासलगाव कृषी उत्पन्न बाजार समितीत 11401 क्विंटल लाल कांद्याची आवक झाली आहे, तर या ठिकाणी किमान भाव 900 रुपये, कमाल भाव 2701, सर्वसाधारण भाव 2350 रुपये प्रति क्विंटल साठी मिळत आहे. मागील काही दिवसांपासून सोलापूर कृषी उत्पन्न बाजार समितीमध्ये कांद्याची आवक आणि दरही चांगला मिळत असल्याचं पाहायला मिळत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 21-2-22 कांदा बाजारभाव