सोयाबीनचे कमाल भाव 7500 रुपयांवर स्थिर ;पहा तुमच्या जवळच्या बाजार समितीत किती आहे भाव?

हॅलो कृषी ऑनलाईन : शेतकरी मित्रांनो आता सोयाबीन हंगाम हा अंतिम टप्प्यात असून लवकरच उन्हाळी सोयाबीनची आवकही बाजारामध्ये व्हायला सुरुवात होईल मात्र हंगाम अंतिम टप्प्यात असतानाही सोयाबीनला मिळणारा सध्याचा भाव पाहता हा भाव चांगला असल्याचं बोललं जात आहे. मध्यंतरी रशिया युक्रेन युद्धाच्या पूर्वी पडलेले सोयाबीनचे भाव वधारले आणि आज तागायत सोयाबीनच्या दरांमध्ये हीच स्थिरता कायम असल्याचं पाहायला मिळत आहे. सध्या सोयाबीनचे कमाल भाव हे स्थिर असले तरी सोयाबीनला सर्वसाधारण भाव हे 7300 रुपयांपर्यंत मिळत आहेत.

आज सायंकाळी साडेपाच वाजेपर्यंत प्राप्त झालेल्या राज्यातील विविध बाजार समित्यांमधील बाजार भावानुसार आज सोयाबीनला कमाल सात हजार पाचशे पन्नास रुपयांचा दर मिळाला आहे. हा दर सांगली कृषी उत्पन्न बाजार समितीमध्ये मिळाला असून आज सांगली कृषी उत्पन्न बाजार समितीत दोनशे क्विंटल लोकल सोयाबीनची आवक झाली. याकरिता किमान भाव 7000 कमाल भाव 7550 आणि सर्वसाधारण भाव 7275 इतका मिळाला त्या खालोखाल जालना आणि गंगाखेड कृषी उत्पन्न बाजार समितीमध्ये आज कमाल सात हजार 500 रुपयांचा भाव सोयाबीन ला मिळाला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 13-4-22 सोयाबीन बाजारभाव