सोयाबीनच्या दरात मोठी घसरण ; पहा सध्या काय आहे बाजारातील चित्र

हॅलो कृषी ऑनलाईन : शेतकरी मित्रांनो, हंगामामध्ये कापूस आणि सोयाबीन या दोन्ही शेतमालाचे भाव चांगले मिळाल्यामुळे शेतकऱ्यांमध्ये समाधानाचे वातावरण होते. एवढंच काय सोयाबीन आता शेवटच्या हंगामामध्ये असतानासुद्धा मागील आठवड्यापर्यंत सोयाबीनला सात हजार पाचशे ते सहाशे रुपयांपर्यंत कमाल भाव मिळत होता. त्यामुळे सोयाबीन उत्पादक शेतकऱ्यांमध्ये समाधानाचे वातावरण होते. शिवाय बाजार समित्यांमध्ये सोयाबीनची आवकही चांगली होत होती. मात्र या आठवड्यापासून सोयाबीनच्या दरात घसरण झाल्याचे दिसून येत आहे. सोयाबीनचा दर उतरून पुन्हा एकदा सात हजार ते सात हजार शंभर रुपयांच्या घरामध्ये आला आहे. हा सोयाबीन चा कमाल दर झाला तर सोयाबीन चा सर्वसाधारण दर हा पाच हजार 550 ते 6800 रुपयांच्या दरम्यान आहे.

मध्यंतरी युक्रेन आणि रशिया या दोन देशांच्या युद्धाच्या सुरवातीच्या काळापासून सोयाबीनच्या दरामध्ये वाढ झालेली दिसून येत होती. ही वाढ मागील आठवड्यापर्यंत कायम होती. मात्र या आठवड्यापासून सोयाबीनच्या दरात चांगलीच घसरण झाल्याचे दिसून येत आहे. तर दुसरीकडे कापसाचे दर मात्र कमाल 12 हजार रुपयांवर टिकून आहेत.

दरम्यान आज सुट्टी असल्यामुळे केवळ शिरूर कृषी उत्पन्न बाजार समिती मधील सोयाबीनचे भाव प्राप्त झाले आहेत. आज शिरूर कृषी उत्पन्न बाजार समितीमध्ये 11 क्विंटल सोयाबीनची आवक झाली. याकरिता किमान दर 6500, कमाल दर 6600 आणि सर्वसाधारण दर सहा हजार सहाशे रुपयांपर्यंत मिळाला आहे.दिनांक 2 मे रोजी प्राप्त झालेल्या बाजारभावानुसार लातूर कृषी उत्पन्न बाजार समितीमध्ये सोयाबीनची चांगली आवक होताना दिसून येत आहे. दिनांक दोन मे रोजी लातूर कृषी उत्पन्न बाजार समितीमध्ये पंधरा हजार पाचशे वीस क्विंटल इतक्या सोयाबीनची आवक झाली आहे. त्याकरिता किमान भाव सहा हजार सातशे कमाल भाव सहा हजार 998 तर सर्वसाधारण भाव सहा हजार 850 रुपये इतका मिळाला.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

सोयाबीन बाजारभाव