‘या’ बाजार समितीत कांद्याच्या दरात 500 रुपयांची घसरण ; पहा आजचे राज्यातील कांदा बाजारभाव

हॅलो कृषी ऑनलाईन : आजचे(3) कांदा बाजार भाव बघता कांद्याच्या दरामध्ये मोठी घसरण झाल्याचे दिसून येत आहे. मागच्या महिन्यात म्हणजेच जानेवारी महिन्यात कांद्याचे दर हे जास्तीत जास्त तीन हजार ते 3500 रुपयांपर्यंत होते. मात्र आजचे दर बघता हे कमाल दर हे सर्व साधारणपणे 900 ते 2500 रुपयांपर्यंत आहेत.

आज सायंकाळी सहा वाजेपर्यंत प्राप्त झालेल्या बाजारभावानुसार अकलूज येथील कृषी उत्पन्न बाजार समितीमध्ये तीन हजार 100 रुपये कमाल भाव प्राणी क्विंटल कांद्याला मिळाला आहे. अकलूज कृषी उत्पन्न बाजार समितीमध्ये आज लाल कांद्याची 165 क्विंटल इतकी आवक झाली. त्याकरिता कमीत कमी दर 500 रुपये जास्तीत जास्त दर तीन हजार 100 रुपये, तर सर्वसाधारण दर 1800 रुपये इतका मिळाला आहे.

कांद्याच्या दरात तब्बल पाचशे रुपयांनी घट
दरम्यान बुधवारचा बाजार भाव बघता सातारा येथे सर्वाधिक 3 हजार 500 रुपयांचा दर कांद्याला प्रतिक्विंटल साठी मिळाला होता. मात्र आज साताऱ्याचा दर बघता केवळ दोन हजार पाचशे रुपये इतका कमाल दर हा कांद्याला मिळालेला आहे. त्यामुळे सातारा कृषी उत्पन्न बाजार समितीमध्ये कांद्याच्या दरात तब्बल पाचशे रुपयांनी घट झाली आहे. दुसरीकडे राज्यातील बाजार समित्यांमध्ये कांद्याची चांगली आवक होताना दिसते आहे. बुधवारी सोलापूर कृषी उत्पन्न बाजार समितीमध्ये कांद्याची 88 हजार 76 क्विंटल इतकी मोठ्या प्रमाणात आवक झाली होती आणि त्याकरिता जास्तीत जास्त दर हा 2 हजार 850 रुपये प्रति क्विंटल इतका मिळाला होता.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 3-2-22 कांदा बाजारभाव