आज ‘या’ बाजार समितीत मिळाला कांद्याला 3110रुपयांचा कमाल भाव ; पहा आजचे बाजारभाव

हॅलो कृषी ऑनलाईन : आजचे(4) कांदा बाजार भाव बघता कांद्याच्या दरामध्ये मोठी घसरण झाल्याचे दिसून येत आहे. मागच्या महिन्यात म्हणजेच जानेवारी महिन्यात कांद्याचे दर हे जास्तीत जास्त तीन हजार ते 3500 रुपयांपर्यंत होते. मात्र आजचे दर बघता हे कमाल दर हे सर्व साधारणपणे 900 ते 2500 रुपयांपर्यंत आहेत.

आज सायंकाळी पाच वाजेपर्यंत प्राप्त झालेल्या बाजारभावानुसार आज कांद्याला सर्वाधिक भाव 3110 रुपये इतका मिळाला आहे. हा भाव जुन्नर आळेफाटा इथं मिळाला आहे. जुन्नर आळेफाटा इथं आज कांद्याची 15 हजार 160 क्विंटल इतकी आवक झाली. त्याकरिता 1110 किमान, कमाल 3110 तर सर्वसाधारण दोन हजार एकशे दहा रुपये इतका भाव प्रतिक्विंटल कांद्यासाठी मिळाला आहे. राज्यातील इतर कृषी उत्पन्न बाजार समित्या पाहता कांद्याची आवक ही वाढलेली दिसून येत आहे राज्यातील पुणे, लासलगाव,येवला, मुंबई कांदा बटाटा मार्केट, जुन्नर आळेफाटा इथं दहा हजारांहून अधिक क्विंटल कांद्याची आवक झाली आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचे 4-2-22 कांदा बाजारभाव