आनंदवार्ता …! आज सोयाबीनला मिळाला कमाल 8000 रुपयांचा भाव ; पहा आजचे बाजारभाव

हॅलो कृषी ऑनलाईन : शेतकरी मित्रांनो सोयाबीन उत्पादक शेतकऱ्यांना ज्याची खरंच आशा होती असे भाव आता सोयाबीन पिकाला मिळताना दिसत आहेत. आजचे बाजार भाव बघता आज सर्वाधिक आठ हजार रुपयांचा कमाल भाव हा सोयाबीनला प्रति क्विंटल साठी मिळाला आहे. याशिवाय आजचे बाजार भाव बघता सोयाबीनचे सर्वसाधारण दरही 7300 रुपयांपर्यंत पोहोचले आहेत. त्यामुळे शेतकऱ्यांमध्ये नक्कीच ही समाधानकारक बाब आहे. लवकरच बाजारात उन्हाळी सोयाबीनची सुद्धा आवक होईल. मात्र सध्या झालेली दरवाढ ही सोयाबीन उत्पादक शेतकऱ्यांसाठी सुखद धक्काच मानावा लागेल.

आज सायंकाळी सहा वाजेपर्यंत प्राप्त झालेल्या राज्यातील महत्त्वाच्या बाजार समित्यांमधील बाजारभावानुसार आज केज कृषी उत्पन्न बाजार समितीत सोयाबीनला आठ हजार रुपयांचा कमाल भाव मिळालेला आहे. केज कृषी उत्पन्न बाजार समितीत 118 क्विंटल सोयाबीनची आवक झाली. याकरिता किमान भाव पाच हजार सहाशे रुपये, कमाल भाव आठ हजार रुपये तर सर्वसाधारण भाव सात हजार तीनशे रुपये मिळाला आहे.

लातूर कृषी उत्पन्न बाजार समितीमध्ये आज सर्वाधिक सोयाबीनची आवक झालेली आहे. ही आवक 15800 क्विंटल इतकी आहे. तर लातूर कृषी उत्पन्न बाजार समितीत सोयाबीन ला किमान भाव सहा हजार 100, कमाल भाव सात हजार 330 आणि सर्वसाधारण भाग सात हजार दोनशे वीस रुपये इतका मिळाला आहे. त्याखालोखाल गंगाखेड कृषी उत्पन्न बाजार समितीत सोयाबीनला कमाल भाव सात हजार 600 रुपये मिळाला आहे. डिग्रज कृषी उत्पन्न बाजार समितीत सात हजार चारशे, परतूर कृषी उत्पन्न बाजार समितीत 7300, सोनपेठ कृषी उत्पन्न बाजार समिती सात हजार चारशे रुपये इतका कमाल भाव मिळालेला आहे. आता पुन्हा एकदा राज्यातील बाजार समित्यांमध्ये सोयाबीनचे कमाल बाजार भाव हेच सात हजारांवर आल्याचे दिसून येत आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 28-2-22 सोयाबीन बाजारभाव