कांद्याच्या कमाल दरात 200 रुपयांची घसरण ; पहा आजचे बाजारभाव

हॅलो कृषी ऑनलाईन : शेतकरी मित्रांनो आज सायंकाळी सात वाजेपर्यंत प्राप्त झालेल्या राज्यातील कृषी उत्पन्न बाजार समितीतील भावानुसार आज कांद्याच्या कमाल दरामध्ये घसरण झाल्याचे दिसून येत आहे. आज सोलापूर कृषी उत्पन्न बाजार समिती इथं सर्वाधिक 3100 रुपयांचा भाव प्रतिक्विंटल कांद्यासाठी मिळाला असून सर्वाधिक आवक देखील सोलापूर कृषी उत्पन्न बाजार समिती येथे झाली आहे. ही आवक पन्नास हजार सोळा क्विंटल इतकी झाली आहे. त्याखालोखाल औरंगाबाद कृषी उत्पन्न बाजार समिती इथं शिवाय नागपूर कृषी उत्पन्न बाजार समिती इथं कमाल तीन हजार रुपयांचा भाव प्रतिक्विंटल साठी कांद्याला मिळाला आहे.

दरम्यान शुक्रवार चे कमाल बाजार भाव पाहता हे बाजार भाव तीन हजार तीनशे रुपयांपर्यंत होते. मात्र आजचे कमाल बाजार भाव बघता केवळ तीन हजार शंभर रुपयांपर्यंत आहेत यावरूनच आजच्या दरामध्ये घसरण झाल्याचे दिसून येत आहे. सोलापूर कृषी उत्पन्न बाजार मध्ये कमाल दर शुक्रवारी तीन हजार तीनशे रुपये मिळाला होता तर आज त्यामध्ये दोनशे रुपयांची घसरण होऊन हा दर तीन हजार शंभर रुपयांपर्यंत आला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एकदा खात्री करून मगच बाजरात विक्रीसाठी माल न्यावा. )

आजचे 26-2-22 कांदा बाजारभाव