समाधानकारक…! कांद्याला कमाल 3600 रुपयांचा कमाल भाव ; पहा काय आहे तुमच्या बाजारातील स्थिती ?

हॅलो कृषी ऑनलाईन :मागील महिन्याच्या सुरुवातीला कांद्याचे दर हे निराशाजनक होते मात्र आता दरामध्ये हळूहळू सुधारणा होताना दिसून येत आहे. त्यामुळे कांदा उत्पादक शेतकऱ्यांसाठी ही समाधानकारक बाब आहे. आज लासलगाव कृषी उत्पन्न बाजार समितीत 13,490 क्विंटल कांद्याची आवक झाली आहे.

आज सायंकाळी सहा वाजेपर्यंत प्राप्त झालेल्या बाजार भावानुसार कल्याण कृषी उत्पन्न बाजार समिती इथं कांद्याला कमाल 3600 रुपयांचा भाव मिळाला आहे. आज कल्याण कृषी उत्पन्न बाजार समिती इथं तीन क्विंटल कांद्याची आवक झाली. याकरिता किमान भाव दोन हजार चारशे कमाल भाव तीन हजार सहाशे तर सर्वसाधारण भाव तीन हजार रुपये प्रति क्विंटल इतका मिळाला आहे. सहा वाजेपर्यंत प्राप्त झालेल्या कांदा बाजार भावानुसार राज्यातल्या जवळपास अकरा बाजार समित्यांमध्ये कांद्याला कमाल दर 3000 रुपये मिळाला आहे. कांदा बाजार समिती मधील हे चित्र दिलासादायक आहे. त्रास कांद्याला सर्वसाधारणपणे तेराशे ते 3000 रुपये या दरम्यान प्रति क्विंटल साठी दर मिळाला आहे.

(महत्वाची टीप : ‘हॅलो कृषी’ द्वारा दिलेले शेतमाल बाजारभाव हे महाराष्ट्र राज्य कृषी पणन मंडळाच्या अधिकृत वेबसाईच्या माध्यमातून रोज अपडेट झालेले बाजारभाव असतात. याबाबत ‘हॅलो कृषी’ कोणताही दावा करीत नाही. दर सतत कमी जास्त होत असतात. त्यामुळे शेतकऱ्यांनी दराबाबत पुन्हा एखादा खात्री करून मगच बाजरात विक्रीसाठी माल न्यावा. )

आजचा 16-2-22 कांदा बाजारभाव