हॅलो कृषी ऑनलाईन : अलिकडच्या काळात अनेक तरुण शिक्षण घेऊन नोकरीच्या मागे न लागता शेतीआधारित उद्योगांची वाट (Success Story) धरत आहेत. हे तरुण स्वतःचा व्यवसाय करून मोठा नफा कमवत आहेत. आज आपण अशाच एका तरुण शेतकऱ्याची यशोगाथा पाहणार आहोत. ज्याने मधमाशीपालनातून कोट्यावधी रुपये कमावले आहेत. ज्यामुळे सध्या त्याची सर्वदूर चर्चा होत असून, विशेष म्हणजे या तरुणाने आपल्या या मधमाशीपालन व्यवसायातून (Success Story) अनेकांना रोजगार देखील उपलब्ध करून दिला आहे.
कमी गुंतवणुकीपासून सुरुवात (Success Story Of Beekeeping Farming)
अजित कुमार असे या तरुण शेतकऱ्याचे नाव असून, ते उत्तर प्रदेशातील बाराबंकी येथील रहिवासी आहेत. शिक्षण पूर्ण झाल्यानंतर त्यांनी नोकरी करण्यापेक्षा स्वतःचा व्यवसाय (Success Story) करण्याचा निर्णय घेतला. त्यांनी मधमाशीपालन व्यवसाय सुरू करण्याचा विचार केला आणि यातून त्यांना मोठे यश देखील मिळाले आहे. अजित कुमार यांनी 16 व्या वर्षी वयात पाच मधमाशीच्या पेट्या घेऊन मधमाशीपालनाला सुरुवात केली.
किती होते कमाई?
छोट्याशा स्वरूपात सुरु केलेला व्यवसाय त्यांनी हळूहळू वाढवला असून, आणि आज त्यांच्याकडे 2000 पेक्षा जास्त मधमाशीच्या पेट्या आहेत. ते दरवर्षी सुमारे 200 टन मध तयार करतात आणि बाजारात विकतात. यातून त्यांना दरवर्षी 80 ते 85 लाख ते एक कोटी रुपयांची कमाई होत असल्याचे ते सांगतात. अर्थात त्यांच्या या आर्थिक कमाईमागे नियोजनापूर्वक व्यवसाय कल्पना असल्याचे त्यांनी म्हटले आहे.
कृत्रिम प्रजननातून मध उत्पादनात वाढ
2021 मध्ये मध उत्पादनात घट झाल्यामुळे अजित कुमार यांना मोठा फटका बसला. त्यांनी उत्पादन वाढवण्यासाठी अनेक प्रयत्न केले आणि यशस्वीही झाले. त्यांनी भारतात राणी मधमाशीच्या कृत्रिम रेतनाची पहिली प्रयोगशाळा स्थापन केली. या तंत्रज्ञानाचा वापर करून त्यांनी मध उत्पादनात लक्षणीय वाढ केली. अजित कुमार यांच्या मधमाशीपालन व्यवसायात अनेक लोकांना रोजगार मिळाला आहे. ते स्थानिक लोकांना प्रशिक्षण देतात आणि त्यांना मधमाशीपालन व्यवसाय सुरू करण्यास मदत करतात.
अजित कुमार यांच्या यशाचे रहस्य
अजित कुमार यांच्या यशामागे अनेक घटक कारणीभूत आहेत. त्यांचा कठोर परिश्रम, समर्पण आणि नवीन तंत्रज्ञानाचा वापर हे त्यांच्या यशाची मुख्य कारणे आहेत. ते इतरांना प्रेरणा देतात आणि त्यांना स्वतःचा व्यवसाय सुरू करण्यास प्रोत्साहित करतात. शिक्षण घेऊनही नोकरी मिळत नसल्यास मधमाशीपालन हा एक उत्तम पर्याय आहे. कमी गुंतवणुकीतून या व्यवसायातून चांगला नफा कमवता येतो.
